III XORNAES DEL HORRU ASTURIANU

Esti añu col eslogan “Tresmitir la lluz: la hora l’horru” pa responder al momentu actual nel qu’hai un equilibriu inestable que lu caltién, pero que tien nicios claros d’esbarrumbe.
III JORNADAS DEL HÓRREO ASTURIANO. TRANSMITIR LA LUZ: LA HORA DEL HÓRREO

L’Asociación Amigos del Horru, por tercer añu consecutivu entama les Xornaes del Horru Asturianu en Candás. Esti añu col eslogan “Tresmitir la lluz: la hora l’horru” pa responder al momentu actual nel qu’hai un equilibriu inestable que lu caltién, pero que tien nicios claros d’esbarrumbe.

Estes III Xornaes tán patrocinaes pola Fundación Caxa Rural d’Asturies y pol Conceyu Carreño.

L’Asociación Amigos del Horru, por tercer añu siguíu entama les Xornaes del Horru Asturianu en Candás. El programa, preséntase esti añu col eslogan «Tresmitir la lluz: la hora l’horru» como respuesta al momentu actual nel qu’hai un equilibriu inestable que lu caltién, pero que tien nicios claros d’esbarrumbe. Al abandonu de bona parte d’horros y paneres, axúntase-y l’aumentu d’un usu dañín de los mesmos como infraviviendes nun incumplimientu claru de la normativa vixente, xenerando graves perxuicios al nuestru paisaxe. Ye necesario acabar con esta inercia negativa, poniendo en valor esti patrimoniu, pa que dexe de ser un problema y se tresforme nun apoyu pa iguar los problemes actuales de les nuestres comunidaes rurales. Si nun se reacciona, la lluz va apagase y pasín a pasu van medrar les cenices y l’esfarrape’l territoriu y el patrimoniu.

Nesa llinia, la xornada vespertina del vienres escomienza con una ponencia de los arquitectos, Carlos Fernández Coto y Fernando Cerqueira Barros, miembros de la Red Hórrea de Graneros Elevados de la Península Ibérica, sobre’l valor d’estos bienes como una muestra del inxeniu humanu espardíu per tol planeta que merez la mayor reconocencia nel ámbitu internacional. La ponencia del arqueólogu Fernando Mora Rodríguez incide sobre’l patrimoniu cultural inmaterial venceyáu a los horros asturianos y, en concretu, sobre los maestros del horru.

Depués de les ponencies, el programa inclúi l’actu central de la xornada cola ceremonia d’entrega de los primeros premios «Horru Asturiano», patrocinaos pola Fundación de la Caxa Rural d’Asturies, a les candidatures seleccionaes pol xuráu de los mesmos ente les presentaes. A los premiaos/es va entregáse-yos una creación del diseñador Goyo Rodríguez que ta fecha n’esclusiva pa estos premios.

P’acabar el día, faise una propuesta lúdica qu’entemez cultura (teatru costumista nel Teatru Prendes) y gastronomía (menú cena naquellos restaurantes de Candás que s’inxerten al eventu.

El sábadu 27, el programa escomienza cola ponencia d’Abel Vega Cueto, Dr. Inxenieru de Montes, sobre diseñu estructural del horru, darréu va siguir cola de la xeógrafa Irene Muñiz Rodríguez sobre rutes etnográfiques. La mañana va acabar col actu denomináu «La reforma de la regulación del hórreo Asturiano: perspectivas», nel qu’espertos en campos distintos, van treslladar el procesu de reforma normativa pendiente dende distintes perspectives, intentando xenerar un diálogu constructivu ente tolos participantes.

Feches de celebración: 26 y 27 de payares.
Inscripción de baldre en: https://bit.ly/3wTvk8x
Llugar de Celebración: Centro Polivalente “La Baragaña”

Bernardo Alfageme, 4. Candás y Teatro Prendes, Av. del Ferrocarril, 7. Candás.

Ye obligatorio l’usu de mázcares en tolos actos.

PROGRAMA III XORNAES DEL HORRU ASTURIANU «TRESMITIR LA LLUZ: LA HORA L’HORRU»


CANDÁS-CARREÑO, 26 y 27 DE NOVIEMBRE DE 2021
Vienres 26

17:00 a 17:30 Recepción d’asistentes y inauguración Centru Polivalente Candás

17:30 a 18:15 Horros, cabazos y espigueiros: De Carreño a la UNESCO.

Carlos Fernández Coto, arquitectu, Presidente de la “Asociacion para a Defensa do Patrimonio Cultural Galego” y Fernando Cerqueira Barros, arquitectu. Miembros de la RED HORREA (Galicia y Portugal).

18:15 a 18:45 Ponencia: Maestros del Horru Asturianu.

Fernando Mora Rodríguez, arqueólogu. Asociación d’Amigos del Horru Asturianu.

19:00 a 20:30 Gala I Premiu Horru Asturianu.

Patrocináu pola Fundación Caxa Rural d’Asturies.

21:00 Nueche nel Teatru

Teatru Prendes. Obra costumista por GT CARBAYÍN.

Ufierta de menú-cena en dellos restaurantes de Candás

Sábadu 27

10: a 10:30 Ponencia: Diseñu estructural del horru. Tipos de madera y claves de la so durabilidá.

Abel Vega Cueto, Dr. Inxenieru de Montes, CETEMAS.

10:30 a 11:00 Alma de la Viesca: Rutes Etnográfiques per Asturies.

Irene Muñiz Rodríguez, xeógrafa (GEOGRASTUR).

11:00 a 11:30 Posa Café

11:30 a 13:30 La reforma de la regulación del horru asturianu: perspectives.

Van intervenir: Juaco López Álvarez. Director del Muséu del Pueblu d’Asturies; José Ramón Puerto Álvarez, Vicedecanu del Colexu Oficial d’Arquitectos d’Asturies; Cristina Cantero Fernández, Asociación Asturiana de Antropoloxía y Patrimoniu Etnolóxicu; Roberto Álvarez Espinedo, Centru d’Interpretación del Horru de Güeñu y Fernando Mora Bongera, Asociación d’Amigos del Horru Asturianu.

13:30 Clausura


Patrocinaes por: Fundación Caxa Rural d’Asturies y Conceyu Carreño.

Amas cuntamos cola valoratible collaboración de diseñadores gráficos.Goyo Rodríguez ( www.goyorodriguez.com ) y Maite Prida ( www.area-norte.com ).


Total
0
Shares

Related Posts

Leer más

HORROS DE CASOMERA: Etnografía y Memoria oral

El proyectu «Hórreos de Casomera: Etnografía y Memoria oral» básase na implantación d'una ruta pelos horros presentes en Casomera. Pero non yá centrándose nos horros a nivel técnicu, sinon mirando hacia les persones y los sos habitantes, que hai munches xeneraciones caltuvieron y curiaron d'estes estructures que son un símbolu d'una forma de vivir, que nun ye otra que la de los pueblos y el campu d’Asturies.