HORROS DE CASOMERA: Etnografía y Memoria oral

El proyectu «Hórreos de Casomera: Etnografía y Memoria oral» básase na implantación d’una ruta pelos horros presentes en Casomera. Pero non yá centrándose nos horros a nivel técnicu, sinon mirando hacia les persones y los sos habitantes, que hai munches xeneraciones caltuvieron y curiaron d’estes estructures que son un símbolu d’una forma de vivir, que nun ye otra que la de los pueblos y el campu d’Asturies.

byAmigos del hórreo

20 de August de 2022

174 views

2 minute read

El proyectu «Hórreos de Casomera: Etnografía y Memoria oral» básase na implantación d’una ruta pelos horros presentes en Casomera. Pero non yá centrándose nos horros a nivel técnicu, sinon mirando hacia les persones y los sos habitantes, que hai munches xeneraciones caltuvieron y curiaron d’estes estructures que son un símbolu d’una forma de vivir, que nun ye otra que la de los pueblos y el campu d’Asturies.

Quixímos poner en valor xunto col valor propiu del horru como patrimoniu cultural, l’esfuerzu de los sos propietarios pa caltenelos y curialos, tamién les hestories de les persones de Casomera y les alcordances que tienen sobre estes estructures. Sirva esti proyectu como homenaxe a toos ellos.

El proyectu básase na implantación d’unavisita/ruta nel pueblu de Casomera basándonos na memoria oral sobre los horros presentes nel llugar, pente medies de videos a los que se va poder acceder vía códigu QR nos diversos paneles y tótems que se van instalar nel pueblu.

La visita compónse de 21 paraes, nes que se combinen 12 videos con testimonios de vecinos, propietarios y especialistes, 9 fiches técniques xunto col puntu d’entamu y fin de la mesma.