Proyectu pilotu de visites guiaes Tentemoz@s
Visitas guiadas los domingos de julio y agosto 2021
TENTEMOZ@S ye un proyectu pilotu nel que persones con discapacidá guíen pel patrimoniu etnográficu asturianu al visitante que d’esta manera asiste a una actividá exemplar sobre la diversidá y la dignidá de les tradiciones y les persones.
Al participar nestes visites guiaes contribuyes al sostenimientu d’esta iniciativa social y educativa que desenvuelve l’Asociación d’Amigos del Horru Asturianu que ye una entidá ensin ánimu d’arriquecimientu (www.horreosdeasturias.es) col sofitu del Conceyu de Carreño.
Tres un periodu de formación básica, los integrantes de TENTEMOZ@S realicen una visita guiada a cuatro paneres representatives de los sieglos XVIII y XIX asitiaes na parroquia de Quimarán (Carreño). Na visita van desplicar les característiques, historia, decoraciones d’estes estructures tradicionales y la so situación contestualizada dientro la quintana tradicional y el paisaxe rural asturianu.
Estes paneres son una verdadera xoya etnográfica que pola so decoración y allugamientu treslladen al visitante a un llugar onde’l tiempu se detién. Son típiques de les tierres llanes del centru d’Asturies (triángulu Uviéu-Avilés-Xixón) yá que caltuvieron una rellación estrecha col suministru d’alimentos de villes y ciudaes y el comerciu de cereales y frutos. Trátase de graneros llevantaos de gran valor históricu y artísticu que, amás, presenten una guapura particular que los fai especialmente interesantes como forma d’accesu a la tradición asturiana; la decoración abondosa y la so simplicidá artesanal máxica, fáenles úniques.
PROGRAMA
VISITAS GUIADAS TENTEMOZ@S
BRANU 2021
ENTAMU: 15 minutos enantes del empiezu nel Centru d’Iniciativa Rural «Monte Areo» asitiáu nel Barriu La Vega, Finca Merún – 33438 – El Valle (Carreño) Asturies https://goo.gl/maps/6iSHdiPs88rMJi6Y6
FECHES: L’últimu domingu de xunetu y los cinco domingos del mes d’agostu a les 11 hores y, si supera l’aforu, tamién a les 12:45. Nesi periodu van poder programase visites pa grupos en díes non festivos.
PRECIU: persones adultes: 10 €, menores de 6 a 12 años: 6 € y menores de 6 años gratis. L’actividá va realizase de baldre’l domingu 15 d’agostu -l’aforu ye llimitáu.
DURACIÓN: hora y media aprosimao.
PERCORRÍU: 1 kilómetru.
AFORU: máximu de 15 persones ensin cuntar menores de 6 años.
DIFICULTÁ: nenguna -pasa per terrenu llanu y asfaltáu.
CONDICIONES: En tola visita va tener qu’utilizase mázcara protectora. Tien que tenese tamién en cuenta que les paneres atópense dientro de zones privaes a les que los sos propietarios nos dexen acceder; por ello, hai que guardar les formes col fin d’evitar molesties ensin que sía posible acceder a otres zones distintes a les que s’utilicen pa la visita.
INSCRIPCIÓN: En https://www.horreosdeasturias.es/contacto/ o al traviés de whatsapp al 661946726 (nun s’atienden llamaes). En cualesquier de los dos casos han facilitase los siguientes datos:
- Datos la persona solicitante:
- Nome completu:
- Númberu de teléfonu:
- Corréu electrónicu:
- Fecha de la visita (l’últimu domingu de xunetu o ún de los 5 domingos d’agostu de 2021). Pa grupos de más de 10 persones adultes pueden solicitase otres feches nel mes d’agostu n’horariu de tarde que se van atender según disponibilidá..
- Númberu total de visitantes:
- Númberu persones adultes:
- Númberu de menores de 6 a 12 años:
- Númberu de menores de 6 años:
Recibíu’l so corréu o whatsapp, vamos contactar cola persona que faiga la solicitú.
COLLABORA CONCEYU DE CARREÑO
